بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه
همت بيك وندى شوكي ورد لاك
ولون تقبل اطش عمري وردلاك
اهاجر وابتعد يسمر واردلاك
واحني بثرى اجدامك جف اديه
صمت عن كل جميل وصرت ممساك
لجن عنك شصبر الروح ممساك
صباح الخير يشكر ريت ممساك
فرح واعياد وايامك زهيــــــــــه
ريد ابجي بدموع العين .. وانحب
وحط قهري وقهر دنياي .. وانحب
عل عاش بخيالي سنين وانحب
يــغدرنـي بـسـهـوله ويـنـطـي بيـــه
شجاه اشبيه شح مايه جرفكم
وخذكم وين عن عيني جرفكم
شوكت وشلون لاتسأل جرى فكم
جرى بتاريخ يوم اكطعت بيه
بحر هجرك سالته عالرسومات
ورسمت جروح بعدك عالرسومات
بغيابك صرت ميماتي عرس ومات
ودخل مو اعله مرته اعله المنيه
اطش كلبي اعلى دربه من ادكه
حلو ماشفت مره منه دكه
حافظ رقمه لكن من ادكه
صفر سبعه ادك وانسى البقيهHHH
دفنت من التتن تنهل وسومر
كلبي هواكم زنجر وسومر
احبكم من عهد بابل وسومر
حتى حمورابي كلبه انكسر عليه
حلفت ماريدك بعد إلك ما احتاج
واليمسك دوم لاجلك جنت محتج
جنت اجدي حبك منك مثل محتاج
وانت بحبك جنت تصدق عليه
افرح لو شفت وجهك واسربيه
وحبك ثابت بقلبي وسر بيه
وشماطال الدرب امشي وسربيه
واجيب الروح لخاطر عيونك هديه
أصد وازعل وأدير العين طبعا
لان لجمات الك بالكلب طبعن
حلو بكل شي, لكن بيك طبعين
تشك وتغار من روحي عليه
كلبي مافرح عكبك ولاســـــار
وجدمي ماخطا لغيرك ولاســــــار
اخبرك مابقت كلمة ولاســــــر
فضحني الشوك والحب مو بديــــــــة
يظل كلبي بمحبتك دوم ينشــــــد
يحبك بس عليك هواي ينشــــــــــــد
عرفنه العظم من ينكسر ينشــــــــــد
وانه كلبي انكسر شيجبره ليــــــــــــه
المصايب عكب عينك علي جدت
لعب وي غيري بس وياي جدت
ايدي وماشفتهه بيوم جدت
أبشرك راح أمد ثنين ايديه
عليك الحال ماظل حال بعدك
وعليك الدمع خالص نزف بعدك
اجاني الموت وانت بهجر بعدك
تحب الموت اظن انت اليه
اشحكم قاضي الهوى ابقصتي ... وشفته
وعلي حرم وصل ولفي ... وشوفتة
حبيبي من اشن خدة ... وشفتة
مناعة من الامراض اتصير بية
غرامك ابلكلب حافر ... وناقش
صرت نيران تحركني ... وانا قش
اريد اكعد انه واحجي ... واناقش
واكلك ليش تقسي انت علية
احبابك لاتكاطع دوم مرهم واخليك الجروح الكلب مرهم انابلياك لا والله مرهم حبيبي بغيبتك شفت المنيه
الأربعاء نوفمبر 21, 2012 2:00 am