البعد خايف علي غيرك بس لا
وانة كلي نذر يا ناس بس له
شكثر رادوك بية تموت بس لا
تظل بالروح عايش للمنية
الصار وياك بية ابشر ما صار
وشخصك علة فراكي عجب ماصر
مثل ثورة الي غيرت حكم مصر
من اذكرك هيجي روحي تثور بية
الكلب ما واعدك فد يوم وانقاض
يمن خليت روحي تراب وانقاض
اسد جايع علي فركاك وانقض
اكلني وحتى اثر ما بقة لية
حبيبي امس الك بالليل حنيت
ورحت حيطان دارك بدي حنيت
بجفاك الظهر بالعشرين حنيت
وصفت الاطفال تقرة الدال بية
هوا كالنار والدلال وج فاه
ومو حمرة الشفاف تكول وج فاه
زعل محبوبي ما ينحمل وجفاه
قرار اعدام ويصدروه الية
عسى بحظة اللي من ايدي جريدة
ولا احد كلبي من حبة جريدة
صفت روحي بعد هجرة جريدة
بأول خبر بيهة الموتى مية
يعمري الماي والمحبوب جفاك
ومنو غيري اللزم من طحت جفاك
انة بعسري ودعيت الله جفاك
شر بس بجفاك الصار بية
اظن بعدي حبيبي حالي حالك
وظلام الليل بعدك حالي حالك
عليش الون يكلبي حالي حالك
شتظن البيك ما موجود بية
الأربعاء نوفمبر 21, 2012 1:19 am