نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليه
يغالي من الذهب عندي تنكتين
وفواكه عندي صدكيني تنك تين
حياتي شمالج اعليه تنكتين
اذا اتكدرين هم جذبي عليه
دومك شاغل افكاري ورد بيك
حسنك مو حسن عادي ورد بيك
لافرنك وسط كلبي ورد بيك
وصيرلك مكان تعيش بيه
وحك من عذب اكليبي وسله
اسنين انطيت من عمري وسله
الوكت يلعب علي طوبه وسله
الهدف غيري وانه الشوتات بيه
قلبي العافة وينة والنساه وين
وين يكول اسعدة و النساه وين
كضاهة بس يصاحب والنساوين
مو وحدة يحب كل شهر مية
هجرت القلم من بعدك والكتاب
دليلي من العشق بطل والك تاب
وحق العرش والكعبه والكتاب
تضل انت اعز محبوب اليه
جهازي وانتة ماكو بلا تردد
وروحي لغيرك انتة بلا تردد
احبك من كلتهة بلا تردد
اموتاً واليصير يصير بيه
الأربعاء نوفمبر 21, 2012 2:03 am