حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية
ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية
يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية
تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية
سحلني سحل دهري ..من رداني
وبعدك عني ولك ...مرداني
مرة بعيد عني ..ومرة داني
وبطرف عينك تحن علية
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
اريــــد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
لتصدك اني بيوم انساك ولتصدك ياهو الكال بعتك
لان حبك نبض ويدك علية الباب وصرخ كلبي على
دكتة وكال احبك شلون ابتعد عنك واحنة فد روح
ونص الروح يمي ونص يمك
حبيبي لا تظن انساك ولهه,,,
دوه الروحي غرامك صار ولهة,,,
الشفة والعين ترد عليك ولها,,,
تدعيلك كل صباح وكل مسية
الك ياصاح ماظل مني خاطر,,,
احسبه احساب دربك من اخاطر,,,
تعال كرب حبيبي مني خاطر,,,
تعرف اجنون حبك اسوه بيه
تغيب الروح بغيابك واردها,,,
كتاب جفاك من عندك وردها,,,
روحي بفركتك يذبل وردها,,,
شمس انت وتنور الدرب ليه
وليسأل
شگل للي يناشدني وليسأل
ولك ليش الدمع يجري ولي سال
فراگك حيل موتني وليسال
متى يوم الوصل وتعود اليه
الأربعاء نوفمبر 21, 2012 1:21 am